"Олмалиқ": Ёшлар жамоаси тайёргарлик жараёни
27 июл 2016 07:40
Янгиликлар

"Олмалиқ": Ёшлар жамоаси тайёргарлик жараёни

Теглар : Олмалиқ

Асосий таркиб сингари ёшлар жамоамиз ҳам иккинчи даврага қизғин ҳозирлик кўрмоқда.

Биринчи давра якунига кўра 11-ўринда турган ёшларимиз, мавсумни қолган қисмида яхшироқ натижага эришишни мақсад қилган. Йил бошида жамоа рўйхатидан ўтган Абдулазиз Жўрабоев, Максим Криушев, Сухроб Раҳмонов, Азиз Тўхтаматовлар билан тузилган шартномалар бекор қилинди. Абдумалик Тошпўлатов ва Дадахон Юсупов мавсум охирига қадар биринчи лиганинг "Хоразм" жамоасига ижарага берилди.

Айни вақтда бўш ўринлар муносиб номзодлар билан тўлдирилмоқда.
Ёшлар жамоамиз бугун Тошкент вилояти "Дўстлик" стадионида "Локомотив БФК" жамоаси билан куч синашди. Ўйинда 1:1 ҳисобида дуранг қайд этилди. Жамоамиздан голни пенальтидан Қадамбой Нурметов киритди. Бунгача ёшларимиз "Локомотив" ёшлар жамоаси билан ҳам баҳс юритишган ва 3:2 ҳисобида ғалаба қозонишганди. Темирйўлчилар дарвозасини Тимур Эргашев икки марта ишғол этган ва яна бир гол Фарҳод Имомов ҳисобига ёзилган.

Ёшлар жамоамиз эртага бекободлик тенгқурлари билан навбатдаги назорат ўйинини ўтказишади. Бу учрашув Бекобод шаҳрида бўлиб ўтади.

Ҳавола :

Манба : fc-olmaliq.uz

Янгиликларни Телеграмда ўқинг!

Рейтинг: