Олий лига. "Пахтакор" ва "Локомотив" иштирокидаги ўйинлар бир кунга қолдирилди
18 ноя 2015 15:24
Янгиликлар

Олий лига. "Пахтакор" ва "Локомотив" иштирокидаги ўйинлар бир кунга қолдирилди

Хабарингиз бор, шу ҳафта олий лигада сўнгги тур ўйинлари бўлиб ўтади.

Аслида охирги тур ўйинлари ПФЛ регламентига кўра бир кунда ва бир вақтда бошланиши керак эди. Бироқ дастлаб "Бунёдкор" - "Қўқон-1912" учрашуви 19 ноябрь кунига кўчирилди. Бугун олинган маълумотларга кўра, "Пахтакор" - "Андижон" ва "Навбаҳор" - "Локомотив" учрашувлари 21 ноябрь кунига қолдирилди. Бунга сабаб қилиб Ўзбекистон терма жамоасининг кеча Қатарда Яманга қарши ўйин ўтказгани кўрсатилмоқда.

Демак, олий лиганинг 30-тур ўйинлари 19, 20 ва 21 ноябрь кунлари бўлиб ўтади.

ПФЛ расмий сайтида 27 октябрь куни "ПФЛ регламентининг 4 боб, 4.16 бўлимига биноан чемпионатнинг охирги иккита турининг барча ўйинлари бир вақтда бошланади. 29 ва 30–тур баҳслари соат 14.00да старт олади", шу мазмундаги хабар чиққан эди. Шундай қилиб, сўнгги тур ўйинлари 3 кунда бир вақтда бошланадиган бўлди.

Ҳавола :

Манба : championat.asia

Янгиликларни Телеграмда ўқинг!

Рейтинг: +7