Футзал бўйича Олий лиганинг 6-тур учрашувлари қаерда ўтиши аниқ

Турга вилоят футбол академияси спорт зали мезбонлик қилади.

Мазкур тур 2025 йил ҳисобидан сўнггиси бўлгани боис барча жамоалар максимал тарзда очко жамғариш пайида бўлишади. Бу эса тур ўйинларининг қизиқарли ҳамда муросасиз курашлар остида ўтишига асос бўлади. Шу маънода 6-турда биз яна кескин рақобат, ҳужумкор  ва сермаҳсул ўйинлар гувоҳи бўламиз.

6-тур олдидан амалдаги чемпион БМБ энг яқин таъқибчилари СҚБ ҳамда “Оил Стар” билан 5 очколик тафовутни сақлаб қолди. Шунингдек, ОКМК ҳам етакчиларни изма из қувиб келмоқда. Лиганинг "олтин ўрталигидан" ўрин олган жамоалар исталган баҳсда кутилмаган натижани қайд этишларига кўп бора шоҳид бўлдик. Лигада ўз мавқеини сақлаб қолиш ҳаракатидаги жамоалар ҳам бўш келишмаяпти.  

ЎФФ ҳамда “Спорт” ижодий бирлашмасининг ўзаро келишувига мувофиқ 6-турнинг барча ўйинларни “Спорт-ТВ” ҳамда “Футбол-ТВ” телеканалларида ҳамда Ўзбекистон футзал федерациясининг YouTube канали орқали тўғридан тўғри, жонли тарзда эфирга узатилади.