ОЧЛ плей-офф. "Бунёдкор" - "Ал Жазира" олдидан
16 фев 2015 16:09
Янгиликлар

ОЧЛ плей-офф. "Бунёдкор" - "Ал Жазира" олдидан

Эртага Осиё чемпионлар лигасининг плей-офф баҳслари бўлиб ўтади ва бунда ғалаба қозонган жамоалар гуруҳ босқичига йўлланмани қўлга киритишади.

Эртага Ғарб минтақасида тўртта учрашув бўлиб ўтади. Тошкентнинг "Бунёдкор" футбол клуби ўз майдонида БААнинг "Ал Жазира" жамоаси билан куч синашади.

"Бунёдкор" - "Ал Жазира"
Ғолиб "А" гуруҳига йўл олади ("Ал Наср", "Лахвия", "Пирузи")

2005 йил ташкил топган "Бунёдкор" 2008 йилдан бери ОЧЛда иштирок этиб келмоқда ва бунгача ҳар доим гуруҳдан чиқиб келган. Эртага бу жамоа БААнинг "Ал Жазира" клубига қарши майдонга тушади. "Бунёдкор" ўтган йил ички чемпионатда тўртинчи ўринни эгаллади ва Кубок финалида "Локомотив"га мағлуб бўлди.

ОЧЛдаги иштироки: 2008 (ярим финал), 2009 (чорак финал), 2010 (1/16 финал), 2011 (1/16 финал), 2012 (ярим финал), 2013 (1/16 финал), 2014 (1/16 финал).

"Ал Жазира" эса БАА Про-лигасида учинчи ўринни эгаллаб, ОЧЛ плей-оффига йўлланма олди. Ўтган мавсум ушбу мусобақада қатнашган "Ал Жазира" гуруҳдан чиққан, бироқ кейинги босқичда "Ал Айн"дан мағлубиятга учраганди.

ОЧЛдаги иштироки: 2009 (гуруҳ босқичи), 2010 (гуруҳ босқичи), 2011 (гуруҳ босқичи), 2012 (1/16 финал), 2013 (гуруҳ босқичи), 2014 (1/16 финал).

Ҳавола :

Манба : championat.asia

Янгиликларни Телеграмда ўқинг!

Рейтинг: