Нодир Элибоев: "Йигитларнинг барчаси иродали, аҳир ўзбекмиз"

Учрашувдан сўнг Нодир Элибоевнинг фикрлари билан қизиқдик.

- Биринчи турдаги омадсиз ўйиндан кейин жамоа иккинчи ўйинга жуда яхши тайёрлана олганининг сабаби нимада?
- Панма билан ўйиндан сўнг жуда хафа эдик, умуман кайфиятимиз йўқ эди. Лекин, мураббийларимиз ва рахбаримиз ўша ўйинни унутишимиз кераклигини, олдинда турган Колумбия ва Португалия билан ўйинларни ютсак чиқамиз деб бизни руҳлантиришди. Кейин бош мураббийимизнинг ўйиндан олдинги кўрсатмалари ва йигитлар билан келишиб шу баҳсни ютмасак бўлмайди деб ўйинга чиққанимиз саба бўлди деб ўйлайман.

- Бугун бутун ўйин давомида ҳисобда олдинда бўлишни кутганмидингиз?
- Мураббийимиз Мендез агар биринчи гол урсак, улар гол уриш учун шошила бошлайди ва биз уларни қарши ҳужумда ушлаймиз деб айтди.

- Ўйин охирларида бироз бўшашганга ўхшадилар?
- Биз ўйин охирида бўшашмадик. Агар аҳамият берган бўлсангиз ҳакамлар барибир мезбон жамоага бироз ёрдам қилди. Сўнгги иккита голда эса шунчаки уларни омади келди.

- Жаҳон чемпионатида 13 сония қолганда ғалабадан қуруқ қолиш... Бу нарса кейинги тур олдидан футзалчиларни руҳан синдириб қўймайдими?
- Бу натижа жуда ҳам алам қилди, лекин бизни йигитлар барчаси иродали, аҳир ўзбекмиз. Португалия билан баҳс биз учун финал ўйини бўлади.


Толибжон Қосимов суҳбатлашди