Невилл: "Погба билан МЮнинг АПЛда чемпион бўлиш имконияти ошади"
16 июн 2020 20:26
Янгиликлар

Невилл: "Погба билан МЮнинг АПЛда чемпион бўлиш имконияти ошади"

"Манчестер Юнайтед"нинг собиқ футболчиси Гари Невилл ярим ҳимоячи Поль Погба ҳақида фикр билдирди.

"Погба ва Бруну бир жойда ўйнай олишади. Погба ўйин давомида ўз жарима майдончаси ёнида ҳам, рақиблари ярим майдонида ҳам бир хил ўйнайди.

Энди МЮда Погбанинг ўрнида ўйнайдиган футболчилар бор, деб ўйлайман. Аммо одамларга Погбанинг кетиши ҳақида гапириш жуда осон. Бироқ бир вақтлар жамоа ўйини унинг атрофида қурилганида ўзини қандай кўрсатгани барчанинг ёдида бўлса керак.

Барча танқидлар унга аталарди. "Манчестер Юнайтед" мағлуб бўлса, Погба айбдор бўларди. МЮ ютиб, Погба яхши ўйнай олмаса, уни яна ёмон отлиққа чиқаришарди.

Лекин Погбанинг ажойиб ўйини "Манчестер Юнайтед"нинг АПЛдаги чемпионлиги учун кўпроқ имконият тақдим қилади. У жаҳон чемпиони бўлди ва қай тариқа ғалаба қозониш йўлларини билади. Погба орқали жамоа АПЛда "Манчестер Сити" ва "Ливерпуль"га чақирув ташлай олади", - деди Невилл.

Ҳавола :

Манба : Goal

Янгиликларни Телеграмда ўқинг!

Рейтинг: +8