Нега ЎФА Шомуродов рекордни такрорлагани ҳақида ҳалигача хабар бермади?

Аввалроқ, сайтимиз орқали Элдор Шомуродов термадаги 34-голини ургани ва бу борада рекордчи ҳисобланган Максим Шацкихга етиб олгани ҳақида хабар бергандик. Бироқ, Ўзбекистон футбол ассоциацияси бу ҳақда маълумот тақдим этмади. Ташкилот ноябрь ойида терма жамоадаги футболчиларнинг статистикасини эълон қилганди ва ўша маълумотда Шомуродов 59 учрашувда 32 та тўп киритгани кўрсатилган. 

Сречко Катанец шогирдлари шу давр мобайнида 3 та ўртоқлик ўйинларида қатнашди: Қозоғистон (2:0), Россия (0:0) ва Боливия (1:0). Элдор эса мазкур баҳсларнинг барчасида майдонга тушди ва 2 та гол уришга эришди. Унинг ҳозирги статистикаси 62 баҳсда 34 та гол.

Баъзи тушунмовчиликлар туфайли 27 ёшли Шомуродовнинг ҳисобида 33 та гол борлиги айтилмоқда. Балки, ўтган уч баҳснинг қайсиларидир расмий мақомда ўтмаганмикин?