"Нефтчи" ўз қароргоҳида йиғилди

Кеча 29 июль, жамоа аъзолари клуб қароргоҳига етиб келди ва кечки пайт машғулот ўтказилди. 

Ҳозирча таркибда жиддий ўзгариш йўқ. Истеъдодли ҳимоячи Сардор Раҳмоновнинг иккинчи даврада "Нефтчи" шарафини ҳимоя қилиши ҳақида гап-сўзлар юрибди. Лекин бу ҳозирча расман ўз тасдиғини топмаган. Агарда музокаралар ижобий якунланса, 20 ёшли футболчи жамоамиз шарафини ҳимоя қилиши мумкин. Айтиш лозимки, Раҳмонов учун "Нефтчи" бегона эмас. Боиси Сардор қишки йиғинлар чоғида жамоанинг ўқув-йиғин машғулотларида иштирок этганди.

Дарвоқе, "Нефтчи" иккинчи давранинг илк учрашувини 3 август куни ўз майдонида "Бухоро"га қарши ўтказади.