"Навбаҳор": Раҳбариятда ўзгариш рўй берди

Мазкур йиғилишда ташкилий масаласи сифатида “Навбаҳор” футбол клубининг жорий йилги чемпионатдаги иштироки кўриб чиқилди. Йиғилишда Наманган вилоят футбол федерацияси биринчи вице-президенти Баҳром Муҳиддинович Холмирзаев, Наманган шаҳар ҳокими, “Навбаҳор” футбол клуби президенти Баҳодир Маматович Бекходжаев ва “Навбаҳор” футбол клуби директори Ғанишер Абдугаппарович Исмаиловлар иштирок этишди.

Йиғилиш давомида шу пайтга қадар “Навбаҳор” футбол клуби вице-президенти сифатида иш юритиб келган Олимжон Абдуллаевич Қосимовни ўз аризасига кўра эгаллаб турган вазифасидан озод этилганлиги эълон қилинди. Келгусида “Навбаҳор” футбол клуби вице-президенти лавозимида Даврон Равшанбекович Каримовни фаолият юритиши ойдинлашди. Каримов шу пайтга қадар биринчи лигада қатнашиб келаётган “Норин” клуби раҳбарлик қилиб келаётганди. Бир неча йиллик танаффусдан кейин яна биринчи лигага қайтган “Норин” жамоаси биринчиликда анча ишончли тарзда иштирок этаётганлигини ҳам қўшимча қилиш жоиз. Жамоа аъзолари ва мураббийлар штаби бугун Навоийда ҳали Наманганга қайтишга улгуришмаганди. Шу сабабли, эртага Каримов жамоа аъзолари ва мураббийларга клуб вице-президенти сифатида таништирилади.