"Насаф" рекордга яқин

"Насаф" жамоаси ҳозирга қадар ўз тарихида саккиз маротаба чемпионатда учинчи ўринни банд этган ҳолда бронза медалларига эга чиққан. Бу борада "Насаф" Наманганнниг "Навбаҳор" жамоаси сингари саккиз карра бронза медалларини тақишга улгуришган. Агарда бу мавсумда ҳам "аждарлар" якунда учинчи ўринни қўлга киритишса, унда "Насаф" бронза медалларини ютиш бобида мутлақ рекордчига айланади. Ҳозирча ҳеч бир клуб тўққиз маротаба бронза медалларига эга чиқмаган.

Айни пайтда Рўзиқул Бердиев бошчилигидаги "Насаф" жамоаси 27-турдан сўнг 61 очко тўплаган ҳолда турнир жадвалида учинчи ўринда боришмоқда. Улар иккинчи поғонадаги "Локомотив"дан 4 очкога, пешқадам "Пахтакор"дан эса 5 очкога ортда қолишмоқда.

Эслатиб ўтамиз, "Насаф" жамоаси 2000, 2001, 2005, 2006, 2009, 2010, 2013, 2014 йиллари чемпионатда учинчи ўринни эгаллаган.