"Хоразм" илк турда Қаршининг "Насаф" жамоаси билан тўқнаш келадиган бўлди. Ўтган мавсумда "аждарлар"га жиддий қаршилик кўрсатган бу жамоанинг стартдан ҳам умиди катта. Клуб спорт директори Хурсандбек Маткаримов ўз мулоҳазалари билан ўртоқлашди.
"Хоразм" учун қуръа ўртача келди. Бундан яхши ёки ёмон бўлиши мумкин эди. 1-2 турда барча жамоаларнинг даражаси бир хил бўлади, фаворит деб қаралмайди. Асосийси ўзимизнинг ўйинимизга эътибор қаратишимиз керак.
Дастлабки баҳсни ўз мухлисларимиз қаршисида ғалаба билан бошлаб олсак нур устига аъло нур бўлар эди. Суперлиганинг стартини интиқлик билан кутмоқдамиз. Янги жамоа билан янгича ўйин кўришимиз аниқ",- дейди Хурсандбек Маткаримов.
