"Насаф" мухлисга аталган ЖЧ чиптасини жамоа мураббийига берди + ФОТО

Бу ҳақда клуб матбуот хизмати хабар берди.

ЎФА томонидан ҳар бир клубга Жаҳон чемпионати ўйинлари учун чипталар тақдим этилган. "Насаф" футбол клуби раҳбарияти ажратилган чиптани ўзининг ашаддий мухлисига совға қилишга қарор қилди.

Холбек Юлдашев Москва шаҳрида бўладиган  Сербия – Бразилия  учрашуви чиптасини "Насаф" футбол клуби бош менеджери Сергей Кучеренкодан қабул қилиб олди.

Чипта топширилгандан сўнг, Холбек Юлдашев қуйидаги фикрларни билдирди.

-Тўғриси, Жаҳон чемпионати учрашувларини авваллари фақат телеэкран орқали томоша қилганман. Ҳар бир мухлис бундай улкан нуфузга эга футбол учрашувларини стадионда томоша қилишни бир умр орзу қилади. Футбол ишқибози сифатида шундай орзуим ушалмоқда, катта футбол учрашувини бевосита стадионда туриб томоша қилиш бахтига муяссар бўлаяпман. Бунинг учун Ўзбекистон футбол Ассоциацияси раҳбариятига ва "Насаф" профессионал футбол клубига ўз миннатдорчилигимни билдираман.

P.S. Холбек Юлдашев 2018 йилга қадар футзал бўйича Қаршининг "Дўстлик-AIN" жамоаси бош мураббийи бўлган. Футзал янгича тизимга ўтганидан кейин эса "Насаф"нинг футзал жамоасини бошқариб келмоқда.