Мората Испаниянинг Manolo Bakes кафелар тармоғи раҳбарига айланди. Битим 60 млн еврога баҳоланмоқда

Мората ва унинг тадбиркор дўсти Пабло Нуньо Manolo Bakes'нинг акцияларини 60 млн евро эвазига харид қилишди.

Бундан ташқари, "Атлетико" ҳужумчиси компанияга сармоя киритди, аммо қанча пул йўналтиргани маълум эмас.

Manolo Bakes – Испанияда кунига 60 мингдан ортиқ миқдорда сотиладиган махсус "манолитос" круассанлари билан машҳур кафелар тармоғи.

Ҳозирда мамлакатда 40дан ортиқ тармоғи фаолият кўрсатаётган бўлса, йил охирига қадар уларнинг сонини 70тага етказиш режалаштирилган.