Mixed Zone. Зион Сузуки: "Биринчи ўйин ҳар доим қийин бўлади"

Мусобақа фаворитларидан бири саналган Япония биринчи турда БААга қарши майдонга чиқди. 

Қизиқарли кечган баҳсда Го Оива шогирдлари 2:1 ҳисобида ғалаба қозонди. Ўйиндан сўнг ўйин қаҳрамонлари дан бири Япония U-23 жамоаси дарвозабони Зион Сузуки билан суҳбатлашдик.

- Ўйин ҳақида фикрларингиз...

- Бугун жуда ҳам қийин ўйин бўлди. Биринчи бўлимда биз тўпни жуда кўп йўқотдик. Иккинчи бўлимда гол урдик, аммо мен хато қилиб қўйдим. Ғалаба қозонган бўлсам-да, ўз устимда ҳали кўп ишлашим кераклигини тушундим.

- Пенальтини қайтариб қолишингиздан олдин сиздан қандай ҳаёллар ўтди?

- Биринчидан, мен фикримни бир жойга жамладим ва рақиб ўйинчисини қайси тарафга тепишини тахмин қилдим.

- Кейинги рақибларингиз Саудия Арабистони ва Тожикистон ҳақида нима дея олсиз?

- Бугунги ўйин кейинги ўйинимизга қараганда қийинроқ бўлса керак деб ўйлайман, чунки биринчи ўйин ҳар доим қийин бўлади. Бизда икки кун вақт бор ва тикланиб, бор эътиборимизни кейинги ўйинга қаратишимиз зарур.

Учқун Азимов суҳбатлашди.