"Металлург" Туркия сафарига учиб кетди
27 янв 2019 10:55
Янгиликлар

"Металлург" Туркия сафарига учиб кетди

Теглар : Металлург

Янги мавсумга тайёргарликнинг учинчи йиғинини хорижга режалаштирган Бекободнинг “Металлург” жамоаси аъзолари бугун тонгда Туркияга учиб кетишди.

Бекободликлар Анталия шаҳрида икки ҳафталик йиғинда бўлишида. Йиғин давомида жисмоний тайёргарликни тиклаш баробарида бир нечта кўрик назорат учрашувлари ўтказилиши режалаштирилган. Олдиндан келишувга биноан “Металлург”нинг сафардаги рақиблари Арманистон, Қозоғистон ҳамда Туркия жамоалари бўлиши кутиляпти.

Сафарга кетиш арафасида “Металлург” сафига дарвозабон Александр Лобанов келиб қўшилди. Шунингдек, бекободликлар Зафар Сафаев, Муҳаммад Исаев, Зоҳид Абдуллаев сингари тажрибали ўйинчилари билан шартнома муддатини узайтиришди.

Туркиядаги йиғин 27 январдан 11 февралга қадар давом этади.

Ҳавола :

Манба : "Металлург" матбуот хизмати

Янгиликларни Телеграмда ўқинг!

Рейтинг: +4