“Металлург” Суперлигага шай

Биринчи марта жамоаларимиз янгиланган чемпионатда, Суперлига баҳсларида қатнашишга ҳозирланишаяпти. Бекободнинг “Металлург” жамоасида ҳам мавсум тадориги қизғин кечди. Ўтган йилги мавсум билан таққослайдиган бўлсак, таркиб сезиларли тарзда янгиланди. Олдинги жамоадан бармоқ билан санарли даражада кам ўйинчилар қолишди. Жамоанинг ўртача ёши ҳам кескин ёшартирилди. Таркибимизда бир неча нафар иқтидорли ёшлар пайдо бўлишди. Улар орасида Осиё чемпионлари ҳам бор.

“Металлург” кучлилар сафида бугунгача 584 та учрашув ўтказган: 193 та ғалаба, 118 та дуранг, 273 та мағлубият. Киритилган ва ўтказиб юборилган тўплар фарқи – 737:929.
Янги мавсумда – Суперлигада футболчиларимизга омад тилаймиз!