Месси яна бир рекорд ўрнатди
22 фев 2020 23:10
Янгиликлар

Месси яна бир рекорд ўрнатди

Ла Лига 25-турида "Барселона" "Эйбар" (5:0) мағлуб қилди.

Мазкур баҳсда каталонияликлар етакчиси Лионель Месси тўртта голга муаллифлик қилди. Бу покер футболчи учун Испания чемпионатидаги бешинчиси бўлди. Месси бунга қадар 2017/18, 2012/13 ва 2011/12 (икки бор) йилги мавсумларда покерни расмийлаштиришга муваффақ бўлганди.

Журналист Педро Мартиннинг хабар беришича, аргентиналик футболчи Ла Лигада покер қайд этиш бўйича "Барселона" футболчилари орасида мутлақ етакчига айланиб олди. Иккинчи поғонага 1939-1955 йилларда "кўк-анорранглилар" жамоаси шарафини ҳимоя қилган Сесар Родригес (4та) жойлашган.