Месси: "Жаҳон чемпиони бўлганимиздан кейин барча бизни мағлуб этишни истамоқда"

"Оғир, ҳаракатчан ўйин. Бироз чарчаганман, шу сабабли захирага олиндим, умуман олганда ўзимни яхши ҳис қиляпман. Ўртоқлик ўйинларида ҳам, бугун ҳам жамоадаги ҳеч ким бўшашмаганини кўриш мумкин. Жаҳон чемпиони бўлганимиздан кейин барча термалар бизни мағлуб этишни исташмоқда.

Жаҳон чемпиони бўлганимизга кўп бўлмади, бироқ орадан жуда кўп вақт ўтганга ўхшайди. Биз олдинга ҳаракатланишимиз, курашишимиз ва навбатдаги мундиалга қадар ўйиндан-ўйинга яхши ҳолатда бўлишимиз керак.

Саралаш ўйинлари оғир ўтишини яхши биламиз. Эквадор термасида ҳам яхши футболчилар жуда кўп, улар жисмонан кучли бўлгани учун барча ишни яхши бажаради", - деди Месси.