Мбаппе Чупо-Мотингга: "Хафа бўлма, бу мавсум сендан кўпроқ хато қилдим"
08 апр 2019 17:40
Янгиликлар

Мбаппе Чупо-Мотингга: "Хафа бўлма, бу мавсум сендан кўпроқ хато қилдим"

ПСЖ ҳужумчиси Килиан Мбаппе ўзининг "Инстгарами"да жамоадоши Эрик Чупо-Мотингнинг "Страсбург"га қарши баҳсдаги хатосидан сўнг уни қўллаб-қувватлади.

Баҳснинг 28-дақиқасида (ҳисоб 1:1 пайтида) парижликлар ҳужумга ўтишди. Нкунку тўпни жарима майдончаси ичидан марказроққа ташлади, аммо тўп рақиб посбони қўлига тегиб, йўналиши дарвоза томонга ўзгарди. ПСЖ ҳужумчиси Эрик-Максим Чупо-Мотинг голни ўз ҳисобига ёздириб қўйишни ўйлаб, тўп йўналишини бироз ўзгартиришга уринди, аммо тўп чизиқ устида туриб қолди ва ҳимоячилар уни дарвозадан узоқлаштиришди.

"Хафа бўлма, Эрик, мен бу мавсум сендан кўп хато қилдим. Биз ҳали ҳам жамоамиз ва сени охиригача қўллаб-қувватлаймиз" - деб ёзди Мбаппе.

Ҳавола :

Манба : instagram.com/k.mbappe

Янгиликларни Телеграмда ўқинг!

Рейтинг: +4