Артета Гекерешга баҳо берди

"Менимча шартнома имзолаганимиздан буён унинг даражаси пасайгани йўқ. Бизга "тўққизинчи" футболчи керак эди ва биз буни уддаладик.

Биз ақлбовар қилмас статистикага эга бўлган ҳужумчига эга бўлдик ва у лигамизга ҳали мослашиши керак. У мавсумолди йиғинимизда бўлгани йўқ. Шу сабабли Викторга дастлабки ҳафталар жуда қийин ўтди, чунки жисмоний жиҳатдан унчалик яхши ҳолатда эмасди.

Нафақат Гекерешга, балки, бу лигада ўйнайдиган исталган футболчига жисмоний ҳолат жуда муҳим. Кейинчалик унинг ҳолати яхшиланди, бироқ жароҳат орттириб олди.

Виктор эндигина қайтди. Унда кўплаб ижобий ҳолатларни кўрдим. Шу сабабли биз уни яхшироқ тушунишимиз, камчиликлари устида ишлашимиз керак", - деди Артета.