Матич: "Брих вазият бўлса, мени четлатишини айтганди"

"Мағлубиятни осонликча қабул қилиб бўлмаяпти. Биз қўлдан келганча ҳаракат қилдик, бироқ иккита аҳмоқона гол қўйиб юбордик. Барчамиз хафамиз. Кейинги учрашувни Бразилияга қарши ўтказамиз. Ушбу баҳсда 100 фоиз куч билан ҳаракат қиламиз. Айни дамда барча фикримиз гуруҳ босқичининг сўнгги ўйинига қаратилган.

Ҳакамлик борасида нима дея оламан? Арбитр барчага бирдек муносабатда бўлмади. Барча баҳсли ҳолатларда бир томонлама қарор чиқарди. Бир вазиятда биз пенальти тепишимиз керак эди, бироқ Брих буни қайд этмади. У нима учун VAR тизимига мурожаат қилмаганини билмайман. Кейинчалик сербиялик футболчиларга бир неча бора сариқ карточка кўрсатди. У вазиятга қарор чиқариш учун шошилди. Бир вазиятда менга имкони бўлса, қизил карточка беришини айтди. ФИФА бизнинг ўйиндаги ҳакамликни текшириб чиқса бўларди", - деди Матич.