Капелло Жаҳон чемпионати арафасида Тухелни огоҳлантирди

Бироқ "уч шерлар"нинг собиқ мураббийи Фабио Капелло ҳозирча хурсандчилик учун асос кўрмаяпти. Италиялик мутахассис ўзининг ворисига футболчилар кузда мавсум охиридаги каби чарчамаслигини эслатиб, огоҳлантириш берди.

"Тухель миллий жамоани футболчиларни ҳолдан тойдирмасдан Жаҳон чемпионатига олиб чиқди. Мен аниқ биламанки, Англия терма жамоаси бош мураббийи бўлган пайтимда сентябрь, октябрь ва ноябрь ойларида дунёнинг энг кучли жамоаларига қарши ҳеч қандай муаммосиз ўйнай олардик.

Аммо март ва апрель ойларига келиб футболчиларда чарчоқ аломатлари пайдо бўла бошлайди, июнга бориб эса улар доим жуда чарчаб қолади. Чунки Англия лигаси жисмоний жиҳатдан жуда талабчан. Испания ёки Италиядагидек матбуот босими кучли эмас, лекин Англиядаги чарчоқ — бу соф жисмоний чарчоқ", – деди Капелло.

Аввалроқ Томас Тухель Англия терма жамоаси билан шартномасини узайтирган эди.