"Машъал": Янги йил байрамингиз билан!

Якунига етган футбол мавсуми жамоамиз учун омадли келди. Биринчи лигада иштирок этган Машъал биринчи ўринни эгаллаган ҳолда бир йилдан сўнг яна олий лигага қайтди. Энди клубни янада қийин мавсум кутиб турибди ва ўйлаймизки, футболчиларимиз ўз олдиларига қўйилган вазифани ҳал қила олишади.

2014 йил муҳтарам Юртбошимиз томонидан Соғлом бола йили деб эълон қилинди. Болалар қанча соғлом бўлса, ўлкамиздан шунча кўп маҳоратли спортчилар етишиб чиқади. Натижада халқаро майдонларда муваффақиятли иштирок этишимиз борган сари осонлашиб бораверади.

Шу ўринда ўзбек футболига бефарқ бўлмаган барча инсонларни эшик қоқиб кириб келаётган Янги йил байрами билан Машъал футбол клуби раҳбарияти, ишчи-ходимлар, мураббийлар штаби, футболчилар ҳамда фан-клуб аъзолари номидан муборакбод этиб қоламиз. Янги йил ҳаммамиз учун омадли ва янада муваффақиятли келсин!

Машъал футбол клуби маъмурияти.