Марат Бикмаев: "Ҳали нималарга қодирлигимни исботлайман"

- "Динамо"га ўтиш қай тариқа амалга ошди, музокаралар қандай ўтди?

- Кам ўйин амалиётига эга бўлганим учун "Сўғдиёна"дан кетдим. Кўпроқ ўйнашни истайман. "Динамо"дан, аниқроғи, Андрей Сергеевич Шипиловдан таклиф тушди. Ўйлаб ўтирмасдан мавсум якунига қадар мўлжалланган шартнома имзоладим. Жамоа ҳозир ўзи истагандан пастроқ поғоналарда. Бу менинг фаолиятимдаги янги босқич ва қўшимча мотивация - "Динамо"ни қийин вазиятдан олиб чиқиш керак.

- Янги жамоангизда олдингизга қандай мақсад қўйдингиз?

- Ҳужумчиман, гол уришни истайман. Ўзимни кўрсатишни, ҳаммага нималарга қодирлигимни кўрсатмоқчиман. Аммо бизда 35га кирган ҳужумчиларни доимо ҳисобдан чиқаришга ўрганиб қолишган.

Жамоа менга ишонмоқда. Кўпроқ голлар уриб, "Динамо"га ёрдам беришни истайман. Умид қиламанки, барчаси яхши бўлади. Барчасига тайёрман, айни дамда яхши жисмоний ҳолатдаман. Асосийси - жароҳатлар безовта қилмаса бўлгани.