Мансур Саидов "Нефтчи"дан кетмоқда

Сабаби асосий таркиб аъзоларининг кўпчилиги билан клуб ўртасидаги битим якунига етган.

Шунингдек узоқ йиллардан буён жамоа сафида мазмумли ўйин кўрсатиб келаётган Мансур Саидовнинг ҳам битими ўз кучини йўқотди. Гап сўзларга қараганда, "Нефтчи" раҳбарияти футболчига шартномани узайтириш таклифи билан чиқмаган. Шу боис Мансур бугунги кунда олдида турган вариантларни кўриб чиқмоқда. Илгари ҳар қандай холатда ҳам пойтахт клубларидан тушган таклифларга доимо рад жавобини бериб келган футболчи, катта эхтимол билан келгуси фаолиятини бошқа клубда давом эттирадиган бўлиб турибди.