"Локомотив" U-13 ва U-15 тайёрлов гуруҳлари мусобақасини бошлади
08 авг 2019 14:39
Янгиликлар

"Локомотив" U-13 ва U-15 тайёрлов гуруҳлари мусобақасини бошлади

Теглар : Тайёрлов гуруҳи "Локомотив"Болалар футболи

Август ойи бошида ҳар йили анъанавий тарзда ўтказиб келинадиган Республика тайёрлов гуруҳлари мусобақасига старт берилди.

Маълумки, ушбу мусобақада Суперлига ва Пролига жамоалари қошидаги футбол мактаблари тарбияланувчилари иштирок этади.

"Локомотив" футбол мактаби ҳам бунда иккита ёш тоифасида иштирок этмоқда. U-13 жамоасида 2006 йил туғилган тарбияланувчиларимиз (бош мураббий Суннат Рўзиев) ва U-15 жамоасида 2005 йилда туғилган футболчилар (бош мураббий Сайдулло Турсунов) тўп тепмоқда.

Аслида U-15 жамоасида 2004 йилда туғилганлар ўйнаши лозим эди, бироқ "Локомотив" ПФК раҳбарияти қарорига кўра бир ёш кичикларни ўйнатиш лозим топилди. U-13 жамоамиз дастлабки турни "Бунёдкор"га қарши ўтказиб, 1:0 ҳисобида зафар қучди. U-15 номидан ўйнаётган 2005 йилда туғилган тарбияланувчиларимиз илк турда "Бунёдкор"нинг 2004 йилги футболчиларига қарши майдонга тушиб, 0:4 ҳисобида мағлуб бўлишди.

2-тур баҳслари 6 август куни "Пахтакор" билан бўлиб ўтиши керак эди, бироқ бу ўйинлар бошқа кунга қолдирилди. 3-турни "Локо" тарбияланувчилари 12 август куни уйда "Металлург"га қарши ўтказишади. Ҳар иккала баҳс ТТЙМИ стадионида бўлиб ўтади ва 9:00 ҳамда 10:00да бошланади.

Ҳавола :

Манба : lokomotiv.uz

Янгиликларни Телеграмда ўқинг!

Рейтинг: -2