Куртуа: "Ҳакам йўқ пенальтини белгилади, Аспиликуэта тўпга ўйнади"
31 июл 2017 16:41
Янгиликлар

Куртуа: "Ҳакам йўқ пенальтини белгилади, Аспиликуэта тўпга ўйнади"

"Челси" посбони Тибо Куртуа "Интер"га қарши Халқаро Чемпионлар Кубоги учрашуви (1:2) ҳақида фикр билдирди.

"Яхши ўйин кўрсатдик. Биринчи бўлимда икки жамоа ҳам тўпга эгалик қилди. Уларда ўйин бошида имконият бўлди, мен жамоани қутқариб қолдим, аммо биринчи бўлим охирида ҳакам йўқ пенальтини қўйди. Аспиликуэта тўпга ўйнаган эди. Пенальтини қайтардим, аммо иккинчи зарбага улгурмадим.

Иккинчи бўлимни яхши бошлай олмадик, яхши сейв амалга оширдим. Жамоа ҳужум ташкил қилиш билан банд бўлганида, улар бизни қарши ҳужумда тутиб олишди. Бу "Бавария"га қарши ўйинга ўхшаб кетди. Қарши ҳужумларни қайтариш устида ишлаш керак" - дейди Куртуа.

Ҳавола :

Манба : Championat.com

Янгиликларни Телеграмда ўқинг!

Рейтинг: +1