Кримец жамоаси Гуарин ва Демба Ба жамоасини мағлуб этди
26 июн 2016 12:21
Янгиликлар

Кримец жамоаси Гуарин ва Демба Ба жамоасини мағлуб этди

Кеча Хитой Суперлигасида 14-тур ўйинлари бўлиб ўтди.

Ҳамюртимиз Егор Кримец тўп тепаётган "Бейжинг Гоан" клуби ўз майдонида "Шанхай Шенхуа" клубини қабул қилди. Машҳур испаниялик Грегорио Манзано бошқараётган "Шанхай" сафида Демба Ба, Фреди Гуарин, Обафеми Мартинс, Жованни Морено каби жаҳон юлдузлари тўп тепишади.

Кеча ўйинда "Бейжинг" 2:1 ҳисобида зафар қучди. Кримец жамоа сафида тўлиқ ўйнади. Клуб ўз очколарини 20тага етказиб олди ва 8-ўринга чиқиб олди. "Бейжинг" кейинги ўйинни 29 июнь куни Хитой Футбол Ассоциацияси кубоги доирасида "Ханджоу Лучен"га қарши ўтказади.

Яна бир ўзбекистонлик футболчи Анзур Исмоилов фаолият олиб бораётган "Чанчун Ятаи" клуби ўз уйида "Хенан Цзяние"ни 1:0 ҳисобида таслим қилди. Исмоилов жароҳатини даволаётгани учун бу ўйинда ҳам майдонга тушмади. Анзур яқин вақт ичида майдонга қайтади.

Хитой Суперлигаси. Мусобақа жадвали
"Бейжинг Гоан" - "Шанхай Шенхуа" 2:1
Голлар: Занг Хизе 66, 69 - Демба Ба 83
Четлатиш: Ю Дабао 84 ("Бейжинг Гоан")

"Чанчун Ятаи" - "Хенан Цзяние" 1:0
Гол: Морено 74