Клублар ўртасидаги ЖЧ. Учта қизил кўрсатилган баҳсда “Бенфика“ кичик камбек амалга оширди

“Бенфика“ “Бока Хуниорс“ жамоасига қарши баxc олиб борди. Учрашувда дастлаб Аргентина жамоаси рақиб дарвозасини икки марта ишғол қилди. Кейинчалик европаликлар иккита жавоб тўпи киритишди ва ҳисоб 2:2 натижаси билан якунланди.

Шуни таъкидлаш керакки, баҳс давомида ҳакам уч марта қизил карточка кўрсатган. Қизилларнинг иккитаси Америка қитъаси вакилларига кўрсатилган бўлса, “Бенфика“нинг ҳам бир футболчиси учрашувни қизил сабабли тарк этди.