"Ким у Мане?" — "Айнтрахт" президенти
04 авг 2022 21:24
Янгиликлар

"Ким у Мане?" — "Айнтрахт" президенти

Франкфуртнинг "Айнтрахт" клуби президенти Петер Фишер "Бавария"га қарши чемпионат ўйини олдидан "Ливерпуль"нинг собиқ футболчиси Садио Манега ҳазил қилди.

"Айнтрахт" клуби жума куни Бундеслиганинг илк турида "Бавария" билан тўқнаш келади. Франкфуртликлар ўтган мавсум Европа лигасини қўлга киритди, шу сабабли келаси чоршанба куни улар Европа Суперкубоги доирасида "Реал Мадрид" билан тўқнаш келади.

Ўтган мавсумни 11-ўринда якунлаган клуб жорий мавсум ўз олдига катта мақсадлар қўйган. Жамоа президенти RTL ва n-tv телеканалларига берган интервьюсида мюнхениклар тўпурари Роберт Левандовскининг ўрнига олиб келинган ҳужумчи Садио Маненинг имкониятлари ҳақидаги саволга ҳазиломуз жавоб қайтарди: "Ким у Мане?"

Эслатиб ўтамиз, мазкур учрашув 5 август куни соат 23:30 да бошланади.

Ҳавола :

Манба : Talksport

Янгиликларни Телеграмда ўқинг!

Рейтинг: +10