Килиан Мбаппе ёзда клуб раҳбариятидан қўйиб юборишларини сўраганини тан олди

"ПСЖдан қўйиб юборишини сўрадим, сабаби шартномани узайтиришни режалаштирмагандим ва клуб менинг ўринбосарим билан шартнома имзолаши учун пул олишини хоҳлагандим.

Бу клуб менга кўп нарса берди, тўрт йил давомида барчадан мамнун бўлдим ва ҳали ҳам шундай.

Мен буни имкон қадар эрта маълум қилдим, шунда клуб бунга муносабат билдиришга вақти бўларди. Барча мамнун қолиши учун ушбу битимдан барчанинг фойда олишини хоҳладим. Агар клуб мени қўйиб юбормаса, қолишимни айтдим.

Шахсан менга августнинг сўнггида кетаман дейишим ёқмади, сабаби мен ўз хоҳишимни июлда маълум қилгандим", - дейди Мбаппе.

Эслатиб ўтамиз, Мбаппенинг ПСЖ билан тузган шартномаси 2022 йилнинг 30 июнига қадар мўлжалланган. Мбаппе ёзда "Реал"га ўтиши мумкин эди, аммо парижликлар Мадрид клуби таклифини қабул қилишмади.

22 ёшли ҳужумчи жорий мавсум Лига 1 доирасидаги 9та ўйинда майдонга тушиб, 4та гол ва 3та ассист қайд этди.