"Жирона" "Краснодар" футболчисига кўз тиккан

РБ Спорт"нинг хабарига кўра, "Краснодар" ярим ҳимоячиси "Жирона" эътиборини ўзига қаратган. Маълум бўлишича, клуб Сперцянни маълум вақтдан буён кузатиб келмоқда ва январь ойида унинг вакиллари билан алоқага чиқишга ҳам улгурган.

Эътиборли жиҳати, футболчи ҳамкорлик қиладиган RP агентлиги Эдуард фаолиятини Италияда давом эттиришини кўпроқ истамоқда. Эслатиб ўтамиз, қишда "Ювентус" Сперцянга қизиқаётгани ҳақида миш-мишлар тарқалганди.

Россия чемпионати жорий мавсум 19 учрашувида Сперцян ҳисобида 8 та гол ва 2 ассист мавжуд.