Жасур Яхшибоев: "Бугун "Пахтакор"нинг куни эмасди"
06 апр 2018 21:22
Янгиликлар

Жасур Яхшибоев: "Бугун "Пахтакор"нинг куни эмасди"

"Бухоро" - "Пахтакор" (1:0) учрашувидан сўнг меҳмонлар вакили Жасур Яхшибоев ўз фикрларини билдирди.

"Ўйин жуда қийин бўлди. Биринчи таймда имкониятлардан фойдалана олмадик, рақиб эса ҳисобни очди. Иккинчи таймда "Бухоро" футболчилари ҳимояга ётиб олишди. Бугун бизнинг кунимиз эмас экан. Пенальти ура олмадик, икки марта тўпни чизиқ устидан қайтаришди.

Ўтган йилларга қараганда бу йил чемпионат ўйинларига мухлислар ташрифи ўсиб бормоқда. Бундан хурсандман.

Ўзимизга керакли бўлган очколарга йўқотдик. Аммо ҳамма клублар ҳам очко йўқотишмоқда. Ҳозир пешқадамлар билан фарқ катта эмас.

"Пахтакор" сафарда ютқазмоқда? Бунга нима сабаблигини билмадим", - дейди Жасур Яхшибоев.

Жаҳонгир Сотволдиев ёзиб олди