– Янги мавсумга тайёргарлик қандай ўтмоқда?
– Ҳозир тайёргарлик жараёнидамиз. Асосан, жисмоний ҳолатга урғу қаратганмиз. Бугунги баҳсда футболчилар бироз асабийлашди. Рақиб ҳам жавоб қайтарди, ўйин шунақа кескин тус олди деб ўйлайман.
— Кетма-кет ўйинлар ва машғулотлар, чарчоқ аломати бўлиши ҳам мумкин...
— Бўлиши мумкин, лекин барибир чемпионатга тайёргарлик кўряпмиз. Худо хоҳласа, Суперлига осон бўлади.
— Биринчи бўлимда иккита яхши вазият бўлди. Нима деб ўйлайсиз, балки ўша соф ҳужумчи йўқлиги панд бердими?
— Йўқ, футболда бўлиб туради. Тўп дарвозага кирмади, хуллас. Бу борада машғулотларда иш олиб борамиз.
— Суперлиганинг янги мавсумига ҳам оз вақт қоляпти. Сўрамоқчи бўлганим, бугун шунақа хабар тарқалди: "Пахтакор" сафига польшалик ҳужумчи келиши мумкин экан. Эшитдингизми?
— Ҳа, бугун эшитдим. Келиб, жамоага ёрдам берса, нур устига аъло нур бўларди.
