Италияда 4 майдан карантин қоидалари юмшатилади

Бу ҳақда мамлакат премьер-министри Жузеппе Конте маълумот берди.

Ушбу хабар футбол оламига ҳам тегишли. 4 май кунидан эътиборан индивиуал машғулотларга рухсат берилади, 18 май кунидан эса клублар жамоавий машғулотларни бошлаши мумкин бўлади.

"4 май кунидан эътиборан ишлаб чиқариш ва мамлакат бизнесларини қайта ишга тушириш борасида ишлар олиб боряпмиз.

Қаттиқ карантинни узоқ вақт давом эттириб бўлмайди, бу ҳолатда мамлакатнинг иқтисодий тизими ишдан чиқади. Кейинги ҳафтада режаларимиз борасида батафсил маълумот берамиз", - деди вазир.

Италияда ресторан ва барлар 4 май кунидан ишламаслиги аниқ, мактаблар эса сентябрдан иш бошлаши мумкин. Шунингдек, яқин 2-3 ой давомида одамларнинг бир жойда йиғилиб қолишига рухсат берилмайди.

Италияда 195 351 нафар инсон вирусдан зарарланган. Шулардан 26 384 нафари вафот этган.