Исоқжонов ва Гавриш "Навбаҳор"да

Кеча хабар бериб ўтганимиздек, украиналик ярим ҳимоячи Виталий Гавриш Наманганга етиб келиб жамоамизнинг дастлабки машғулотида қатнашди. Бундан ташқари ўтган мавсумни “Олмалиқ” жамоасида ўтказган ҳужумчи Ислом Исоқжонов ҳам жамоамиз сафига қўшилди.

Наманган футболи тарбияланувчиси ҳисобланган Исоқжонов бир неча йиллик танаффусдан сўнг яна “Навбаҳор”га қайтди.

Жамоанинг машғулотлари хусусида гап кетганида, эрталаб футболчиларимиз “Динамо” ўйингоҳида шуғулланишди. Кечки машғулот эса тренажёр залида ўтказилди. Жамоамиз аъзолари эртага ҳам икки маҳаллик машғулотда иштирок этишларини қўшимча қилиш жоиз.