UZ

Сўнгги янгиликлар

08:40Бухорога Суперлига ўйинларини қайтариш ҳаракати бошланди  0 08:17Sofascore. Захирадан майдонга тушган Ўрибоев энг катта баҳолардан бирини олди  0 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  0 07:25"Ал Иттиҳод" мавсумни йирик ғалаба билан бошлади. Бенземадан хет-трик  0 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  25 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  17 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  48 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  7 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8

Исломбек Исмоилов: “Икки нафар ёш футболчиларимиз Испанияда кўрикдан ўтишади” Янгиликлар

Исломбек Исмоилов: “Икки нафар ёш футболчиларимиз Испанияда кўрикдан ўтишади”

Сайтимизда Про-Лига “В” гуруҳи иштирокчиси Ўзбекистон Ёшлар Иттифоқи васийлигидаги “Ифтихор” клуби бош мураббийи Исломбек Исмоилов жамоадан кетганлиги хақида хабар берган эдик.

Биз Исломбек Исмоилов билан боғланиб клубдан кетиш сабаблари ҳамда ёш мураббийнинг келажакдаги режалари хусусида суҳбатлашдик.  

Ассалому алайкум Исломбек! Эшитишимизга қараганда “Ифтихор” клубини тарк этибсиз. Бундай қарорга келишингизга қандай омиллар сабаб бўлди?
Ҳа тўғри, “Ифтихор” клуби бош мураббийлигидан кетдим. Бу клубдаги фаолиятим узоққа чўзилмади, жамоани бор йўғи 3 та учрашувда майдонга бошлаб тушдим холос. Буни ўзига яраша сабаблари бор. Асосий сабаб сифатида шуни айтишим мумкинки, мени болалар футболини ривожлантириш бўйича амалга оширмоқчи бўлган лойиҳаларим бор эди, “Ифтихор” клуби мураббийлиги билан банд бўлиб, ушбу лойиҳаларни амалга оширишга вақт етмай қолди. Бу борада клуб раҳбарияти билан гаплашдим, тушунтирдим, улар мени айтганларимни тўғри қабул қилишди ва дўстона хайрлашдик. “Ифтихор” футбол клубининг кейинги фаолиятига муваффақиятлар тилайман.

Фарғонада ёш футболчилар иштирокида “Goalstar” лигаси ташкил этилганлигидан хабаримиз бор. Ушбу лига ҳақида маълумот бериб ўтсангиз...
Фарғонада болалар футболи бўйича алоҳида турнир мавжуд эмас эди. Тўғри клублар томонидан ёш футболчилар ўртасида ўртоқлик учрашувлари мунтазам ташкил этилмоқда, лекин алоҳида лига йўқ эди. Биз шу масалани ўйлаб кўриб, янги лойиҳа – ёш футболчилар ўртасида“Goalstar” лигасини ташкил этиш режасини ишлаб чиқдик. Бу лойиҳа “Фаровон” футбол клуби ташаббуси билан амалга оширилди десак муболаға бўлмайди. Дастлаб бу лойиҳасини амалга ошириш бўйича Фарғона вилоят футбол федерациясига мурожаат қилдик. Бизнинг мурожаатимизга ижобий жавоб берилди. Шундан сўнг  мусобақада иштирок этиш истагини билдирган жамоалар мурабийлари билан боғландик ва ушбу турнир Низомини ишлаб чиқдик. Ҳозирги кунда “Goalstar” лигасида 6 та жамоадан ёш футболчилар иштирок этиб келишмоқда. Бу йилги мусобақалар синов-тажриба кўринишида ўтади, агар ижобий натижа берса, кейинги мавсумда бу турнирни янада ривожлантириш, янада кўпроқ жамоаларни мусобақага жалб этиш ниятимиз бор.Мусобақа икки даврали тизимда уй сафар кўринишида 16-сентябрдан 18 ноябрга қадар давом этади. Ҳозир бу мусобақа 3 ёш тоифасида: 2009, 2007, 2006-йилларда туғилган ёш футболчилар ўртасида ўтказилмоқда. Юқорида айтганимдек бу йил тажриба тариқасида ўтаётган мусобақа ижобий натижа берса, янада кўпроқ ёш футболчиларни ушбу турнирга жалб этиш режамизда бор.

“Фаровон” футбол клуби тарбияланувчилари, яъни сизнинг шогирдларингиз хорижий футбол клублари таркибига кўрикдан ўтиш учун кетишаётганлиги ҳақида эшитдик...
Яқинда Ўзбекистон Футбол Ассосиацияси томонидан Испаниянинг “Реал Мадрид” футбол клуби билан хамкорликда лойиҳа амалга оширилди. Лойиҳада Испаниядан ташриф буюрган футбол мутахассислари вилоятлардан келган ёш футболчиларни кўрикдан ўтказишди. Ушбу жараёнда бизнинг “Фаровон” футбол клубидан ҳам 6 нафар ёш футболчилар иштирок этишди. Шу 6 нафар ёш футболчиларимиздан 2 нафари А.Мухторов ва З.Хатамжоновлар испаниялик мутахассислар эътиборига тушди. Улар ушбу лойиҳа доирасида шу ойнинг 28-куни Испаниянинг Мадрид шаҳрига жўнаб кетишади. Мадридда улар 10-15 кун давомида кўрикдан ўтишади. Албатта бизнинг “Фаровон” футбол мактабидан ҳам шундай Европанинг номдор клублари таркибида кўрикдан ўтиш учун ёш футболчиларнинг бориши бизни хурсанд қилмасдан қолмайди. Мана шундай лойиҳаларни амалга ошираётганлиги учун Ўзбекистон Футбол Ассосиациясига клубимиз номидан миннатдорчилик билдираман.

Бекзод Толибов суҳбатлашди.                          


Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика