Ислом Тўхтахўжаев — Месси ва Роналду, кашфиёт футболчи, Қатар кўчаларидаги байрам ва кутилмаган натижалар ҳақида

Хусусан "Ал Гарафа" ҳимоячиси Ислом Тўхтахўжаев. Ҳамюртимиз бу борада ўзининг тааассуротлари, учрашувлар ҳақида фикрлари билан ўртоқлашди. 

"Таассуротлар ажойиб. Ҳар бир учрашув худди байрамдек ўтмоқда. Доханинг барча бурчакларида мундиал кайфияти кезиб юрибди. Ташкилотчилик ҳам зўр",- дейди Ислом Тўхтахўжаев. 

— Аргентинага тўхталсам, фикримча улар дастлабки учрашувда олдиндан ютдик, дея майдонга чиқди. Кейинги ўйинларни яхши ўтказди. Бундай кутилмаган натижалар жамоалар савияси тенглашганидан далолат, деб ўйлайман. 

— Фаворитлар ўша-ўша. Лекин барча учрашувлар қизиқарли темпда ўтмоқда. Майда деталлар учрашув натижасига таъсир кўрсатаётганини кўряпмиз. Шунинг учун бирор аниқ фикр билдириш қийин. 

— Ҳамма қатори икки афсона Роналду ва Мессининг ҳаракатларини кузатиб боряпман. Қолган ўйинларга нисбатан кўпчилик уларга эътибор беради. Улар учун бу охирги мундиал. Кашфиётларга келсак, мен учун Аргентинадаги Мак Аллистер сўнгги учрашувда нафақат гол урди, балки бутун учрашувни бошқарди. Майдон марказида яхши ҳаракат қилди. Қатардаги Жаҳон чемпионатида Африк терма жамоалари, дейлик Камерундан доим катта натижа кутилади. Уларнинг ўйинчиларини алоҳида олиб қараганда кучли. Лекин жамоа сифатида панд беришади