Интерконтинентал Кубок-2019. Тожикистон сўнгги турда Ш.Корея билан тўқнаш келди
15 июл 2019 22:50
Янгиликлар

Интерконтинентал Кубок-2019. Тожикистон сўнгги турда Ш.Корея билан тўқнаш келди

Ҳиндистоннинг Аҳмадобод шаҳрида тўртта терма жамоа ўртасида Интерконтинентал Кубок-2019 ўртоқлик мусобақаси бўлиб ўтаётгани ҳақида хабар бергандик.

Бугун, Тожикистон термаси Ш.Кореяга тўқнаш келиб, минимал ҳисобда (0:1) рақибига таслим бўлди. Ягона голни Ри Хён-Жин урди. Бироқ, тўплар нисбатига кўра улар кореяликлардан кўпроқ очко тўплаб, финалга йўл олишди. Уларнинг ҳал қилувчи учрашувдаги рақиби эса эртага бўлиб ўтадиган Сурия ва Ҳиндистон учрашувидан сўнг маълум бўлади.

Агар ушбу баҳсда дуранг ёки Сурия мағлуб бўладиган бўлса, у ҳолда Тожикистон финалда яна бир бор Ш.Корея билан учрашади. Сурияни эса ҳар қандай ҳисобдаги ғалаба финалга олиб чиқади.