Uchrashuvda o'zbekistonlik qizlar raqibga 0:6 hisobida imkoniyatni boy berdi.
Murabbiylar shtabi ushbu qiyin o'yinda quyidagi futbolchilarni maydonga tushirdi:
Asosiy tarkib: 1. Sevinova, 2. Daxova, 4. Shavkatova, 7. Turg'unova, 8. Shodieva, 9. Baxtiyorova, 11. Egamberdieva, 15. Rahmatullaeva, 17. Olimjonova, 18. Dekanbaeva, 22. Usarova.
Zaxira futbolchilari: Eshtemirova, Gamadeeva, Yigitalieva, Aminjonova, Yoqubjonova, Xayrullaeva, Sayfiddinova, Tolibova, Mamatqulova, Norboeva, Nurmuhammadova, Bozorboeva.
"B" guruhida 2-tur bahslari ortda qoldi. Turnir jadvaliga ko'ra, guruhdagi holat quyidagicha ko'rinish olgan:
Shimoliy Koreya va Janubiy Koreya terma jamoalari dastlabki ikki turda yuz foizlik natija qayd etib, 6 ochkodan jamg'argan holda pley-off yo'llanmasini naqd qilib bo'lishdi. Shimoliy Koreya vakilalari to'plar nisbatidagi ulkan farq evaziga (+14) 1-o'rinni egallab turibdi.
O'zbekiston yoshlar terma jamoasi esa hozircha ochko ishlab olgani yo'q. Vakilalarimiz ikkita o'yinda imkoniyatni boy berib, 0:8 to'plar nisbati bilan 3-o'rinda bormoqda. Guruhning so'nggi pog'onasidagi Iordaniya hisobida ham 0 ochko mavjud, ammo ularning to'plar farqi biroz yomonroq – 1:10.
Jadvaldan ko'rinib turibdiki, qizlarimizda keyingi bosqichga yo'l olish uchun hali ham nazariy imkoniyat saqlanib qolgan. So'nggi turda vakilalarimiz aynan Iordaniyaga qarshi hal qiluvchi bahsda maydonga tushadi.
