Иммобиле А Серияга қайтадими?

"Фиорентина" Мойзе Кин кетадиган бўлса, унинг ўрнига ҳужумчи қидирмоқда. "Бешиктош"да ўйнаётган Иммобиле асосий вариант сифатида кўрилмоқда, аммо муқобил вариантлар ҳам бор: Эдин Жеко ("Фенербахче"ни эркин агент сифатида тарк этган), Фотис Иоаннидис ("Панатинаикос") ва Кристиан Шпенди ("Чезена").

Иммобиле учун курашда "Фиорентина"га "Милан" рақиблик қилади. Футболчининг агенти ўтган куни ҳам "россонерилар" базасига ташриф буюрганди.

Қайд этилишича, миланликлардан ўзиб кетишга уринган "бинафшалар" аллақачон 35 ёшли ҳужумчига икки йиллик шартнома таклиф қилган.

Иммобиле 2024/25 йилги мавсум Туркия чемпионатида 15 та гол урди ва "Бешиктош"нинг энг яхши тўпурари бўлди.