Илдар Сакаев: "Андижон"нинг вазифаси ПРО-лигада 1-ўринни олиш ва Суперлигага чиқиш"

"Бунёдкор" бир неча карра Ўзбекистон чемпиони. Лекин бу футбол. Керакмас голларни ўтказмаганимизда барча нарса содир бўлиши мумкин эди. Тезкор иккита гол қўйиб юбордик. Ўзимиз қийин аҳволга тушиб қолдик. Охиригача курашдик.

Суперлигада 4-ўринда бораётган клубга қарши ўйинда ўзимизни синаб кўрдик", - дейди Илдар Сакаев.

"Биринчи навбатда ғалаба учун ҳаракат қилдик, боримизни бердик. Тажриба ва омад етишмади. Кейинги ўйинларда мухлисларни хурсанд қилишга ҳаракат қиламиз", - дейди Даврон Исоқов.

- "Андижон" бир текис ўйнай олмаяпти. Масалан, "Шўртан"га 0:1 ҳисобида ютқазиб қўяди, ёки "Бунёдкор" билан тенгма-тенг ўйнайди. Бунга сабаб нима?
- Жамоа гол ўтказса шошилади. ПРО-лига ўйинларига футболчиларни балки етарлича руҳлантира олмаётгандирман. "Бунёдкор"га қарши ортиқча руҳлантириш шарт эмас. Барқарорлик йўқлиги биринчи галда мураббийнинг айби.

- "Андижон" Суперлигага чиқа оладими?
- Вазифа ПРО-лигада 1-ўринни олиш ва Суперлигага чиқиш. Вазифа ўзгарган йўқ. Тўғри ҳозир вазият бироз оғир. Ўйлашимча олишимиз керак бўлган 5 очкони бой бердик. Барча айбни ўз бўйнимга оламан. Қайтараман вазифа ўзгармаган ва буни бажаришга ҳаракат қилишда давом этамиз.

- "Бунёдкор"дан ижарага олинган уч нафар футболчи бугун ўйнамади...
- Ижара шартномасида рақиб "Бунёдкор" бўлса бу футболчилар ўйнамаслиги ҳақида банд бор эди. Шахсан ўзим бундай бўлмаслигини хоҳлардим.