Ҳусниддин Ғофуров: "Явор" сафида янги мавсумга тайёргарлик кўрдик"
18 июл 2016 15:47
Янгиликлар

Ҳусниддин Ғофуров: "Явор" сафида янги мавсумга тайёргарлик кўрдик"

Сербия Суперлигасида иштирок этувчи "Явор" клубида ўзбекистонлик ҳужумчи Ҳусниддин Ғофуров тўп тепишидан хабарингиз бор.

Биз янги мавсум олдидан ҳамюртимиз билан суҳбатлашдик.

"Янги мавсумга тайёргарлик яхши бўлди. Иваницада ўртоқлик учрашувлари ўтказдик. "Мордовия", "Напредак" ва "Рудар" каби клубларга ўртоқлик ўйинларини ўтказдик.

Клубнинг янги мавсум учун мақсади юқори натижаларга эришиб тарихий саҳифа очиш. Менинг мақсадим эса клубга фойда келтириб келажакда Европанинг кучли клубларидан бирига ўтиш", - дейди Ҳусниддин Ғофуров.

Эслатиб ўтамиз, "Явор" Сербия Суперлигасининг янги мавсумини 23 июль куни сафарда "Радник Сурдулица" клубига қарши ўйин билан бошлайди.