Гвардиола: "Ҳозирги молиявий ҳолатимиздан келиб чиқиб, ҳужумчи харид қилмаймиз"
06 июл 2021 20:58
Янгиликлар

Гвардиола: "Ҳозирги молиявий ҳолатимиздан келиб чиқиб, ҳужумчи харид қилмаймиз"

"Шаҳарликлар" бош мураббийи Хосеп Гвардиола ушбу трансфер ойнасида ҳужумчи сотиб олиш-олмаслигига ойдинлик киритди.

"Ҳозирги молиявий ҳолатимиздан келиб чиқиб, ҳужумчи харид қилмаймиз. Биз ҳозир бундай маблағ сарфлай олмаймиз. Бу имконсиз. Ҳамма клублар молиявий қийинчиликларни бошдан кечиряпти, биз ҳам бундан мустасно эмасмиз.
"Сити"да ҳужумчилардан Габриэл Жезус, Ферран Торрес бор, улар яхши ўйин кўрсатишмоқда. Бизда академияда ҳам яхши ўйинчилар мавжуд.
Нима бўлишини билмайман. Балки кимнидир сотиб олармиз, аммо кейинги мавсум учун ҳужумчи олмасак керак. Катта эҳтмол билан ҳужумчи харид қилмаймиз", – деди Гвардиола.

Эслатиб ўтамиз, "Манчестер Сити" ўтган мавсумда Англия чемпионатида ғолиб бўлди ва ўз тарихида илк бор Чемпионлар Лигаси финалига чиқиб, "Челси"га ютқазди.

Ҳавола :

Манба : TV3

Янгиликларни Телеграмда ўқинг!

Рейтинг: +5