Гвардиола “Барса” ҳақида: “Финалларни ўртоқлик ўйинлари каби ўтказганмиз”

“Жамоамиз ҳақиқий курашчан “маҳлуқ”лардан ташкил топганди. Улар ҳар қандай рақибни маҳв этишни исташарди. Уларга кўп нарсаларни ўргатганман. Футболчилар ўртасида рақобат катта эди, ҳар бири жамоадошидан устунроқ эканлигини намойиш этишга интиларди. 

Менга футбол тарихидаги энг яхши футболчи билан ишлаш насиб этган. У Роналдиньо жамоадан кетганидан кейин ўша машҳур 10-рақамни ҳақиқий эгаси эди. Шунингдек жамоада ўз академиямизда тарбия топган 7-8 нафар жуда кучли йигитлар ва юксак савиядаги легионерлар жамланишганди.

Биз Чемпионлар лигаси, Испания кубоги финалларида бир неча маротаба тўп тепганмиз. Бу беллашувлар биз учун ўртоқлик ўйинлари каби ўтарди. Барча футболчиларнинг кучли жиҳатлари бор эди. Пуйоль, Абидаль, Дани Алвес..... Булар ўзига хос феъл-атворга йигитлар эди ва майдондаги вазифасини жуда яхши тушунишарди. Барча Месси шубҳасиз кучли эканлигини биларди ва уни шу ҳолатида қабул қилишганди. Шунингдек, барча бир нарсани яхши биларди: ўз устингда ишлашда тўхтаб қолсанг, ўрнингни шу заҳотиёқ бошқа футболчи эгаллайди.

Биз икки марта ЕЧЛда ғолиб бўлганмиз, таркибда бир хил услубда тўп тепадиган  8 нафар академия тарбияланувчиси тўп сурганди. Бунинг учун Йохан Кройфга миннатдорчилик билдирсак арзийди”, деди Гвардиола.