Гаттузо: “Наполи” аҳмоқона голлар ўтказмоқда. Аммо биз тўғри йўлдамиз”

Учрашувдаги ягона гол римликлар ҳужумчиси Чиро Иммобиле томонидан киритилди. Ўша вазиятда неаполликлар посбони Давид Оспина узоқ вақт тўпни қайси томонга тепиб юбориш борасида аниқ бир қарорга кела олмади. Натижада ҳужумчи тўпни дарвозабондан олиб қўйди ва учрашувдаги ягона голга муаллифлик қилди.

“Ўтказиб юборган голимиздан шикоят қила олмайман. Чунки бундай ҳолатлар футболда бўлиб туради. Оспина тўпни шерикларига узатиб беришга ҳаракат қилди. Агар у шунчаки тўпни минбар томонга тепиб юборганида, жаҳл қилишим мумкин эди.

Инсонлар фақат хатоларни кузатишади. 20 та муваффақиятли тўп оширишни, ҳимоядан ҳужум ташкил қилишни гуёки кўрмай қолишади. 

Жамоага мураббий этиб тайинланганимдан кейин кулгули голлар ўтказаяпмиз. Аммо жамоа тўғри йўлда, улар мен нимани истаётганимни тушуниб туришибди ва уни амалга оширишга ҳаракат қилмоқда. 

Йиллар давомида жамоа Италияда намунали футбол намойиш этиб келди, ўзининг аниқ бир услубига эга эди. Энди яна ўша услубга қайтишга ҳаракат қилмоқдамиз. 

Биз ўзимизга бўлган ишончи қайтариш учун кетма-кет учрашувларда яхши натижаларни қайд этишимиз керак. Айни пайтда жамоада руй берган ҳолатларни жудаям кўп ўйлаб юбораяпмиз. Бизда сифатли жамоа бор, ишлашимиз ва меҳнатларимиз самарасига ишонишимз керак. Ғалаба қозониш керак, турнир жадвалига қараш шарт эмас. 

Шахсий мақсадим- ҳар қандай натижага қарамай “Наполи”да қолиш. Шу боис футболчиларни ўз кучларига ишонтириб, ғалабалар сари руҳлантиришга интилишда давом этаман”, деди Гаттузо “Sky Sports”га берган интервьюсида.