Футзал. Ўзбекистон чемпионати совриндорлари тақдирланди

Унда мамлакатимизда футзалнинг ривожига ўзининг катта ҳиссасини қўшгани учун қуйидаги инсонларга миннатдорчилик тариқасида кичик кубоклар топширилди.

1. Жўрабек Шаймардонов ("Ардус" клуби директори)
2. Баҳодир Аҳмедов (Ўзбекистон МТЖ бош мураббийи)
3. Рустам Абдиев ("Турон-С" бош мураббий)

Шундан сўнг мавсумнинг энг яхшилари тақдирланди.

Андрей Шлёма 30та гол билан мусобақанинг энг яхши тўпурари бўлди. Энг яхши дарвозабон деб "Дўстлик-AIN" посбони Акмал Хазратқулов топилди. "Локомотив" вакили Артур Юнусов якунига етган чемпионатнинг энг яхши футзалчиси сифатида тан олинди.

"Бунёдкор" клуби ўйновчи мураббийи Абдулла Бўриев мавсумнинг энг яхши мураббийи сифатида тақдирланди.

Ўзбекистон Футзал Ассоциацияси чемпионат ва кубок баҳсларини ёритиб боргани учун Спорт ТВ, "Ўзбекистон футболи" газетаси ва "championat.asia" сайтларига миннатдорчилик билдирди ва диплом ҳамда эсдалик совғаларини топширди.

Тақдирлаш маросими сўнггида "Турон-С" футзалчиларига бронза, "Дўстлик-AIN" футзалчиларига кумуш, "Локомотив" футзалчиларига эса олтин медаллари топширилди.

Шу тариқа, 18-миллий чемпионат ўз якунига етди. Энди май ойида футзал бўйича Ўзбекистон миллий терма жамоаси Вьетнамдаги Осиё чемпионатида иштирок этади.


Толибжон Қосимов.