Футзал. Ўртоқлик ўйини. Беларусь – Ўзбекистон - 3:5

Бир кун олдин Минск шаҳридаги “Мапид” спорт мажмуасида бўлиб ўтган ўйинда мезбонлар 4:2 ҳисобида ғалаба қозонишганди. Кеча бўлиб ўтган ўйинда эса Хосе Мария Мендез бошчилигидаги Ўзбекистон терма жамоаси 5:3 ҳисобида зафар қучди.

Ўртоқлик учрашуви, 03.12.2015
Беларусь – Ўзбекистон 3:5
Голлар: - К.Свиридов, Ж.Аноров, Д.Чориев. Ф.Фахриддинов, автогол

Ўзбекистон (Биринчи бешталик): Клим Тюгаев, Константин Свиридов, Фарҳод Абдумавлонов, Даврон Чориев, Дилшод Ирсалиев.
Рустам Умаров, Дилшод Раҳматов, Жавлон Аноров, Андрей Шлема, Илҳом Ҳамроев, Нодир Элибоев, Феруз Фахриддинов, Жамолиддин Шарипов, Суннат Куралов, Даврон Абдураҳмонов.

Бу ўртоқлик учрашувлари ҳар икки терма жамоа учун жаҳон чемпионатига йўлланма берувчи қитъа чемпионатларига тайёргарлик вазифасини ўтаб беради.

Ўзбекистон терма жамоаси Осиё чемпионатининг саралаш гуруҳ босқичида Саудия Арабистони, Ливан ва Қирғизистонга қарши майдонга тушади. Беларусь терма жамоаси эса Европа чемпионатининг саралаш гуруҳ босқичида Хорватия (10 декабрь), Озарбайжон (11 декабрь) ва Швеция (13 декабрь) билан ҳисоб-китоб қилади.

Европа чемпионатининг финал босқичи Хорватиянинг Осиек шаҳрида ўтказилади. Осиё чемпионати эса 10-21 февраль кунлари пойтахтимизда бўлиб ўтади.

Эслатиб ўтамиз, бугун терма жамоамиз делегацияси Минск шаҳридан Москвага, у ердан Доҳага йўл олади. 5-10 декабрь кунлари Қатар пойтахтида йиғин ва иккита ўртоқлик учрашуви ўтказиш режалаштирилган.