Футзал. Апрелда Тошкентга Эрон терма жамоаси ташриф буюради
13 мар 2014 15:52
Янгиликлар

Футзал. Апрелда Тошкентга Эрон терма жамоаси ташриф буюради

Футзал бўйича 2014 йилги Осиё чемпионатининг финал қисмига тайёргарлик кўраётган Ўзбекистон миллий терма жамоаси 18 ва 19 апрель кунлари Тошкентда Эрон терма жамоасига қарши ўртоқлик учрашувларини ўтказади.

Осиёнинг гранд жамоаси ҳисобланган Эрон терма жамоаси аъзолари Тошкентга 17 апрель куни ташриф буюришади. Ўзбекистон пойтахтида меҳмонлар 4 кун давомида истиқомат қилишади.

Вьетнамга йўл олишдан олдин, Ўзбекистон терма жамоаси Хитойда ўқув-йиғин машғулотида қатнашиши ҳам режалаб қўйилган.

Эслатиб ўтамиз, Вьетнамда бўлиб ўтадиган ушбу йилги Осиё чемпионатининг финал босқичи 30 апрельдан 10 майга қадар ўтказилади. Ўзбекистон терма жамоаси иштирокидаги биринчи баҳс 1 май куни бўлиб ўтади. Унда Баҳодир Аҳмедов шогирдлари Қирғизстон вакиллари билан куч синашади. 3 май куни Ўзбекистоннинг рақиби Япония бўлади. Орадан 2 кун ўтгач, футзалчиларимиз Жанубий Кореяга қарши баҳс олиб боришади.

Қуйида Ўзбекистон терма жамоаси иштирокидаги ўйинлар тақвими кўрсатилган:
1-тур
1 май, пайшанба
16:30. Қирғизстон – Ўзбекистон

2-тур
3 май, шанба
16:30. Ўзбекистон – Япония

3-тур
5 май, душанба
16:30. Ўзбекистон – Жанубий Корея.

* Ўйинлар бошланиши Тошкент вақти билан кўрсатилган

Қуръага қўра, 16та жамоа қуйидаги гуруҳларга бўлинган:
А гуруҳи: Вьетнам, Қувайт, Тожикистон, Ироқ
В гуруҳи: Эрон, Австралия, Хитой, Индонезия
С гуруҳи: Таиланд, Ливан, Хитой Тайпейи, Малайзия
D гуруҳи: Япония, Қирғистон, Ўзбекистон, Жанубий Корея.

Ҳавола :

Манба : ufa.uz

Янгиликларни Телеграмда ўқинг!

Рейтинг: