UZ

Сўнгги янгиликлар

00:00"Истиқлол" "Нассажи"ни енга олмади ва чемпионат якунланишига икки тур қолганда пешқадамликни бой берди. Машарипов тўлиқ ўйин ўтказди  1 23:51Александр Хомяков: "Дастлабки турлардаги яхши натижалар сабаб, барча биздан мунтазам ғалаба кутмоқда"  6 23:34Эрон. "Персеполис" "Истиқлол Ҳузистон"га қарши фантастик камбэк қайд этди. Ўрунов ғалаба голини урди ва жамоасини биринчи ўринга олиб чиқди!  7 23:12Тимур Кападзе: "Дуранг адолатли натижа бўлди. Айрим футболчилар жамоамизни ёзда тарк этиши мумкин"  3 23:03Муҳсин Низомиддинов: "Бухоро" билан дуранг ўйнаш осон иш эмас"  0 22:42Веско Стешевич: "Менимча, "Навбаҳор" гол урган вазиятда ўйин қоидаси бузилганди"  8 22:25Улуғбек Бакаев: "Ўйин дуранг натижага мос ўтди"  3 22:21Самвел Бабаян: "Бугун ғалабага ўйнамадик. Натижа адолатли бўлди"  28 22:08"Шанба кунидан бошлаб стадиондаги мухлислар сони биттага кўпаяди" – Хави "Барселона" мухлислари билан хайрлашди  6 21:42Суперлига. "Олимпик" – "Андижон" (0:0). Highlights  8 21:25Суперлига. "Олимпик" ва "Андижон" нурсиз дурангга имзо чекди  43 21:10Сафонов кетиши керак, лекин ПСЖга эмас...  2 21:00Суперлига. "Навбаҳор" сўнгги ўриндаги "Металлург" билан дуранг ўйнади  137 20:25ПСЖ Хвича учун 100 млн евро таклиф қилди, бироқ...  1 19:58Про лига. "Бухоро" – "Қўқон-1912" учрашуви нурсиз дуранг билан тугади  13

Футболдаги буюклик Янгиликлар

Футболдаги буюклик

Бугун Championat.asia’да бир мақола эълон қилинди.

Унда душанба куни ФИФА томонидан ўтказиладиган 2021 йилнинг энг яхши футболчиси мукофотини ким олиши ҳақидаги мулоҳозалар баён қилинган. 17 январдаги мазкур маросимда ким бу мукофотни олиши-ю, ким ўтган йилнинг энг яхшиси бўлганлиги шахсан менга қизиқ эмас. Мен бир бошқа нарсадан – 2022 йил Месси ва Роналду эраси учун сўнггиси бўлиш эҳтимоли кўплигидан ва яна бир икки буюк қарама-қаршилиги якунланишидан афсусдаман.

Айтишингиз мумкин, «2018 йили Роналду «Ювентус»га ёки 2021 йили Месси ПСЖга ўтганидаёқ бу эра тугаб бўлган», дея. Ҳа, сизнинг ҳам фикрларингизда жон бор. Лекин уларни шу давр ичида боғлаб тура олган ягона нарса бу терма жамоалардаги натижалар эди. Криштиану 2016 йилда терма жамоаси билан Европа чемпионатини ютганидан кейин кўпчиликнинг эътибори Мессига қаратилди. 

Кўпчилик ундан ўз термаси билан бирор соврин ютиб, кейин терма жамоадаги фаолиятини якунлашини кутди. Бу воқеа эса 5 йил ўтиб – 2021 йилда амалга ошди. Албатта, деярли ҳар йили ўтказилаётган Америка кубоги мусобақасида Аргентина чемпион бўла олмаслиги (тағин Бразилия, Уругвай, Чили, Колумбия ва ора-сирада зўр ўйин кўрсатиб қўядиган Парагвай кучсизланиб қолган бир вақтда) уят эди.

2022 йил кириб келди, бу йил – футбол аҳли учун 4 йилликдаги катта байрам – Жаҳон чемпионати ўтказилиши режалаштирилган (тинчлик бўлсин, ҳеч ким касал бўлмасин!). Ноябрь–декабрь ойларида бўладиган ЖЧ–2022 дан бир илинж бор мухлисларда – Португалия ёки Аргентина чампион бўлиши. Эҳтимол, бу имконсиз, умуман содир бўлмайдиган, абсурд бир воқеликдир. Аммо, умидлар интихода ўлади. Иккисидан бири ютиб кетса “қайси бир зўр?”, деган саволга эҳтимол жавоб топилар, бундай воқеа бўлмаса ҳам ҳеч нарса ўзгармайди. 

Биз футбол қироли деб биладиган Пеле ҳам, унинг замондоши бўлмаган, лекин қиролликка даъво қилувчи Марадона ҳам Жаҳон чемпиони бўлган. Месси ва Роналдудек икки буюкнинг бири бу совринни олса иккинчисига нисбатан адолатсизлик бўлар, иккиси ҳам олмаса бир кемтик шу қолади.

Доим ўйлардим аввал, нега буюк футболчилар футболи ривожланиб кетган мамлакатларда туғилмаслиги ҳақида. Германия, Франция, Испания каби мамлакатлардан ҳар йили юзлаб иқтидорлар чиқади, улар юлдуз даражасига кўтарилади. Лекин айрим футболчилар ўз мамлакат терма жамоасининг ягона юлдузи бўлади. Ибрагимович, Обамеянг, Этo’O… Улар кичкина бир шаҳарчадан чиқиб, катта шаҳарларда ўзини кўрсата олгани, улар ҳақида мен – ўзбекистонлик инсонлар ҳам билиб, мақола ёзаётгани ҳам буюкликдир. Шулар орасидан ёшлигида оиласи сутга пул топа олмагани, машғулотга бир неча километр давомида пиёда бориб келганлари – буларнинг барчасини енгиб ўтишгани буюклик. Нафақат футболчилар, бошқа спортчилар ва ўзи умуман барча буюкларнинг тақдири шундай бўлган.

Айтмоқчи бўлганим, қандайдир соврин билан ёки фаолиятдаги голлар билан буюклик ўлчанмайди. Оғир шароит, қийинчилик ила эришилган чўққи чинакам буюкликдир. Футболда бу каби инсонлар кўп. Шунинг учун ҳам футбол миллионлар ўйини.

Албатта, буларнинг барчаси IMHO

Муаллиф : Og'abek Samisov
Рейтинг: +9   

Фикрлар

championat.asia
< сўнгги янгиликларни кўриш
Яндекс.Метрика